amerika-gunu-komrat (2)

14.09.2019, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 79 KERÄ BAKILMIŞ

Komratta Amerika kulturası günü geçti

Ceviz ayın (sentäbri) 13-dä Komrat kultura Binsının önündeki meydanda seftä geçti Amerika Birleşik Devletlerin (ABD) kulturası günü, angısını oldu Moldovada ABD Büükelçilii tarafından yapılan amerika kulturası günnerin çerçevesindä.

ABD kultura Gününü sțenadan açtı Moldovada ABD Büükelçisi Derek J. HOGAN (Dereck J. Hogan). Sora insannara danıştı Gagauziya Başkanı İrina VLAH.

Bu sıraya gelännerin vardı kolaylıı datmaa amerikan imeklerindän, tanışmaa onnarın literaturasınnan hem muzıkasınnan, siiretmää bir kinoyu.

Ayırıca, burada erleştirilän çadırlarda, gösterildi o proektların sonuçları, angıları başa çıkarıldı ABD yardımınnan. Bundan kaarä meydana getirildi iki yangın sündürmäk maşınası hem minibusta kriminalistika laboratoriyası, angılarını amerika Moldovaya baaşlamış.

Kendi stendını koydu “GAGAUZLUK” Cümne Birlii dä, neredä sergilendi ABD yardımınnan bu Birlik tarafından hazırlanan gagauz kulturasının altın fondunun “Gagauzların kayıp olan dilinin hem kultura adetlerinin Moldovada korunması” adlı 3 bilim kiyadı [1-ci kiyat (“Gagauz halk masalları”, “Gagauz Folk Tales”, “Poveşte populare găgăuze”, «Гагаузские народные сказки»); 2-ci kiyat  (“Gagauz türküleri, söleyişleri, bilmeceleri”, “Gagauz songs, Proverbs, Riddles”, “Cântece, proverbe, ghicitori găgăuze”, «Гагаузские песни, пословицы, загадки»); 3-cü kiyat (“Gagauz yortuları, adetleri, sıraları”, “Gagauz Holidaays, Customs, Riters”, “Sărbători găgăuze, tradiţii, obiceiuri”, «Гагаузские праздники, обычаи, обряды»)].

Bu günädän bölä günnär geçti Belțta, Kaulda, Kişinevda, Tiraspoldä.
amerika-gunu-komrat (1)
amerika-gunu-komrat (5)
amerika-gunu-komrat (3)
amerika-gunu-komrat (4)

BİR CUVAP YAZIN