ikona

12.09.2014, tarafından yazılı , KULTURA, KULTURA ÖMÜRÜ BÖLÜMÜ, 1695 KERÄ BAKILMIŞ

Komratta ikona sergisi açıldı

Ceviz ayın 11-dä Komrat resim galereyasında Moldova Respublikasının tamojnä izmetleri muzeyindän getirilän XVII-XX üzyıllarından ortodoks ikonalırın sergisi açıldı. Serginin açılmasını ayozladı Kaul hem Komrat episkopu Anatoliy.

İkona serginin açılışında pay aldılar hem söz tuttular Moldova Respublikasının tamojnä izmetleri muzeyin kurucusu Pötr KOSTİN, Komrat resim galereyasının direktoru Olga UNGURÄNU, Gagauziya kultura Upravleniyasının direktor yardımcısı Evgeniya LÜLENOVA, Gagauziya İspolkomun predsedatel yardımcısı Nikolay STOYANOV, Moldova parlamentın deputatı Vera VLAH, bildirer gagauzinfo.md haber portalı.

Komrat resim galereyasında sergilener 88 ikona, angılarını yazmışlar ikona ustaları Moldovadan, Rumıniyadan, Rusiyadan, Ukraynadan. Büünkü günädän bu ikonalarlan tanıştılar dünneyin 30 kasabasından insannar.

İkonalar Komrat resim galereyasında bir ay sergileneceklär.

BİR CUVAP YAZIN