guguta

26.09.2016, tarafından yazılı , CÜMNE, SPORT BÖLÜMÜ, 1272 KERÄ BAKILMIŞ

Kongaz futbolcuları Moldovanın XI-ci “Cupa Guvernului” (“Pravitelstvonun Kuboo”) ½ finalına çıktılar

Kongaz Todur ZANET adına teoretik liţeyin körpä futbolcuları, Ungendan komandayı 4:2 enseyip, Moldovanın XI-ci “Cupa Guvernului” (“Pravitelstvonun Kuboo”) ½ finalına çıktılar.

Nicä bildirdi gagauzinfo.md saytına deyni kongazlı komandanın trenerı hem liţeyin fizkulturada üüredicisi İgor ŞVEŢOV, Moldovanın Ungen kasabasında golları urdular Stepan DÜVENCİ (5 hem 64 minutlarda) hem İlya NİKİTOV (46 hem 88 minutlarda).

Şindi, Ceviz ayın (sentäbri) 29-da, kongazlı komandası ½ finalda oynayacek  musaafirliktä Dubosar rayonun Koşniţa küüyün liţeyin komandasınnan.

Not. XI-ci “Cupa Guvernului” (“Pravitelstvonun Kuboo”) finalı geçecek Kriulän rayonun stadionunda. Matç başlayacek saat 13:00-dä.

Patret – gazetamızın arhivından.

BİR CUVAP YAZIN