cupa_cuvernul (8)

30.09.2016, tarafından yazılı , SPORT BÖLÜMÜ, 2353 KERÄ BAKILMIŞ

Kongazlılar XI-ci “Cupa Guvernului” (“Pravitelstvonun Kuboo”) finalında

Moldova Gençlär hem Sport ministerliin kararına görä 2016-cı yılın Ceviz ayın (sentäbri) 22-dän Canavar ayın (oktäbri) 7-dän Moldovada geçer XI-ci “Cupa Guvernului” (“Pravitelstvonun Kuboo”) Respublika turnirı. Turnirda pay alêrlar 2002-2003 yıllarında duuan uşaklar. Kongaz Todur ZANET adına teoretik liţeyin genç futbolcuları Ceviz ayın (sentäbri) 29-da, bu turnirın ½ finalında Dubosar rayonun Oxentea küüyün ggimnaziyasının komandasını 3:1 enseyip, Kuboon finalına çıktılar.
cupa_cuvernul (3)

Nicä annattı kongazlı komandanın baş trenerı İordan Nikolaeviç YASIBAŞ bu pek dinamikalı hem meraklı bir matçtı. Bakmadaan ona, ani Kongaz komandası oyunun 12 minudunda artık 1:0 ensärdi (golu oyundan urdu Nikolay KARAKOSTA) matç dinamikalı ilerledi. Birazdana koşniţalılar bir gol urdular. Sayı oldu 1:1. Taa ötää iki komanada da ataka ardına ataka yapardı. Ama kimsey verilmedi.

cupa_cuvernul (9)

İkinci taymın ilk minudunda sudya kongazlılara karşı penalti verdi. Koşniţalılar pek büük kuvetlän ordular da top perekladinaya razgeldi. Söz gelişi taa sora perekladina taa bir kerä kongazlıları goldan kurtardı.

İkinci taym başladı koşniţalıların atakalarından. Gelärdi, ani te-te gol olacek. Ama Kongaz liţeyin komandasının vratari İvan SOBOR becerdi korumaa portaları. Bu atakalar 10 minut kadar sürttülär. Nedän sora kongazlılar becerdilär oyunu elä almaa da matçı, ilktän 2:1 yaptılar (avtogol, top girdi koşniţalıların portalarına onnarın koruycusunun ayaandan). Sora da, ouyunun sonuna 3 minut kaldıynan, kongazlılar, ceza uruşu kazanıp, matçı 3:1 yaptılar (golu urdu Stepan DUŞKOV).
cupa_cuvernul

Canavar ayın (oktäbri) 7-dä, Kongaz Todur ZANET adına teoretik liţeyin körpä futbolcuları Moldova premyer-ministrusunun Kuboonun finalında Soroka kasabasından komandaylan oynayaceklar.

Not. XI-ci “Cupa Guvernului” (“Pravitelstvonun Kuboo”) finalı geçecek Kriulän rayonun stadionunda. Matç başlayacek saat 13:00-dä.

BİR CUVAP YAZIN