Koor

02.09.2013, tarafından yazılı , LİTERATURA, POEZİYA BÖLÜMÜ, 1471 KERÄ BAKILMIŞ

“Koorlaşmış ateş” kiyada prezentaţiya

Harman ayın (avgust) 30-dan Ceviz ayın (sentäbri) 3-dän Kişinevun Milli Bibliotekasında XXII-ci Halklararası Kiyat Salonunu gecer.

Salonun kiyatların prezentaţiyaları programasına görä Ceviz ayın (sentäbri) 3-dä saat oldu prezentaţiya Todur ZANETin eni çıkan “Koorlaşmış ateş” poeziya kiyadına.

Prezentaţiyayı açtı Milli Bibliotekanın direktoru Alexe Rêu. Sora kiyadın avtoru annattı “fırından eni çıkan” kiyat için.
Prezentaţiyada pay alan Türkiye Büükelçisi Mehmet Selim KARTAL, kendi konuşmasında urguladı, ani bu kiyadın yalını “yakmayan, bir yımışak, yısıdıcı” ateş verän bir yalın.

Prezentaţiyada kiyat için hem avtor için söz tüttülar: kiyadın sponsoru BC “UNIBANK” S.A. temsilcisi İrina ZUBAREVA; İfan KONSTANDOGLU, Moldova üüredicilik Ministrusunun eski yardımcısı; Aleksandr DANÇ, avtorun dostu; Marçela MARDARE, “Pontos” basım evin başı; Renata VEREJANU, moldovan poetı; Konstabtin SIRF, “Kardaşlık” birliin başı.
Prezentaţiyaya katıldılar Kişinevda yaşayan gagauz hem moldovan aydınarı, resimcilär, okuycular. Sonunda hepsi salonda bulunan insannara, avtor imzaladı hem baaşladı birär kiyat.

BİR CUVAP YAZIN