kikboxing_lion

18.06.2019, tarafından yazılı , CÜMNE, SPORT BÖLÜMÜ, 733 KERÄ BAKILMIŞ

Körpä gagauz sportsmennarı K-1 dünnää çempionnarı

İtaliyanın Rimini kasabasında geçti kickboxingda dünnää çempionatı “K-1 WAK-1F World Championships Kombat league” bölümündä. Moldova Respublikası komanda uurunda (23 altın, 2 gümüş medali) çempionatta 1-ci eri aldı. Çempionnarın arasında vardı 4 körpä sportsmen Komradın “Lion Comrat” kickboxing klubundan da.

“K-1 WAK-1F World Championships Kombat league” bölümündä dünnää çempionatında pay aldılar yaklaşık 670 sportsmen ABD (Amerika Birleşik Devletleri), Avstriya, Franțiya, Germaniya, İtaliya, Kamerun, Rusiya hem Moldova devletlerindän.

Nicä açıkladı Komradın “Lion Comrat” kickboxing klubun prezidentı hem trenerı Eduard KÖSÄ “Moldova komandasına seftä alındı 4 sportsmen bu klubtan da onnarın dördü da çempionatta altın medali kazandılar. Bu sportsmennar: Andrey AVRAMOV (35 kg), Liya SERBİNOVA (40 kg), Olga BUZİLA (45 kg) hem Födor KAZANCI (50 kg)”.

BİR CUVAP YAZIN