sukur_gramotalari_2

21.04.2017, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 1166 KERÄ BAKILMIŞ

Körpä resimcileri hem muzıkantları kutladılar

Gagauziyanın Regional resim Galereyasında kutladılar Komrat “Dimitri SAVASTİN” uşak resimci şkolasının hem Gagauziyanın uşak muzıka şkolalarından körpä talantları. Onnara Gagauziya Başkanı “Şükür” Gramotalarını verdi.
sukur_gramotalari_1

“Dimitri SAVASTİN” uşak resimci şkolasının üürencileri kablettilär “Şükür” Gramotalarını o iş için, ani Respublika hem Halklararası sergilerdä üüsek erleri aldılar. Onnarın yaratmaları Latviyanın Yurmala (Jurmala) Resimci Şkolasında olan XVI-cı Halklararası “I live by the Sea” (“Bän yaşêêrım deniz kenarında”) resimcilik zannatı konkursunda 1-ci (İvan ROŞKO, 10 yaşında) hem iki 3-cü (Valeriya MARKU, 8 yaşında hem Andrey MARKU, 15 yaşında) eri aldılar. Bu şkolanın resimcileri pay aldılar Kişinevda olan “Bu büülü kocmos” sergisindä da.

Respublika hem Halklararası muzıka festivallerindä pay aldılar hem kendilerini islää gösterdilär. Komrat “Andrey VALKOV” uşak muzıka şkolalasının halk muzıkalar orkestrası hem körpä muzıkantları pay aldılar Moldovanın “Şapte note muzicale” (Kaul), “Tinere talente” (Kişinev) hem Ukraynanın “Basarabiyanın körpä talantları” (İsmail) konkurslarında. Valkaneş uşak muzıka şkolalasının körpä muzıkantları sa pay aldılar Moldovanın “Trompeta de aur” (Kantemir) regional konkursunda.
sukur_gramotalari_3

Başkanın Gramotalarından kaarä, körpä talantlara o günü verildi onnarın ödül medalileri hem Gramotaları, ani geldilär Halklararası hem Respublika sergilerindän hem konkurslarından.

Kutlama sırasından sora, körpä muzıkantlar kısa bir konţert gösterdilär.

PATRETLERDÄ: Gagauziyanın körpä talantları.

Gagauziya Başkanı İrina VLAH “Şükür” Gramotalarını baaşlêêr.

“Dimitri SAVASTİN” uşak resimci şkolasının direktoru Sergey SAVASTİN hem ödül alannar Valeriya MARKU, Andrey MARKU hem İvan ROŞKO.

BİR CUVAP YAZIN