Cavusoglu_Kiku_1

26.08.2020, tarafından yazılı , CÜMNE, POLİTİKA BÖLÜMÜ, 313 KERÄ BAKILMIŞ

Mevlüt ÇAVUŞOĞLU İon KİKUylan buluştu

Harman ayın 26-dä Türkiye Respublikasının dışişleri Bakanı Mevlüt ÇAVUŞOĞLUnun ofițial vizitın programasına görä, Canabisi Moldova Premyer-ministrusu İon KİKU tarafından kabul edildi, bildirer gov.md saytı.

Buluşmada iki taraf ta urguladı, ani büünkü gündä Moldova-Türkiye politika dialogu üüselän bir dinamikada bulunêr.

Premyer-ministru İon KİKU şükür etti Türkiye Respublikasının Pravitelstvosuna o gumanitar yardımnar için, ani yapıldı Moldovaya COVİD-19-za karşı koymaa deyni hem, o yardım için, ani verdi kolayını pandemiya beterinä yollarda kalan Moldova vatandaşlarını evlerinä getirmää.

İon KİKU üüsek uurda buldu o investițiya proektlarını, angılarını Türkiye Pravitelstvosu Moldovada, onun içersindä Gagauziyada da, yapêr. Onnarın arasında Gagauziyada T.C. Baş konsuluun açılışı da.

Kendi tarafından Türkiye Respublikasının dışişleri Bakanı Mevlüt ÇAVUŞOĞLU urguladı, ani Türkiye ileri dooru da Moldovaylan karşılıklı ilişkileri zeedeledecek. Canabisi urguladı, ani COVİD-19-za karşı koymaa deyni ilaçlar yardımını şindi da getidi hem tezdä taa 50 medițina ventilätoru gelecek hem neettä var yılın sonunadan Moldova Türkiyedän 200 ambulans maşınası (skoraya pomoşç) satın alsın.

Buluşmada pay aldı Türkiye Respublikasının Kişinev Büükelçisi Gürol SÖKMENSÜER.

BİR CUVAP YAZIN