yasti

06.07.2016, tarafından yazılı , ANSAMBLİLÄR, CÜMNE, KULTURA, KULTURA ÖMÜRÜ BÖLÜMÜ, 827 KERÄ BAKILMIŞ

Mihail hem Valentina YASIBAŞların “Yasti” duetından hayırlı konţertlär

Kongaz küüyündän “Yasti” duetı Mihail hem Valentina YASIBAŞlar Gagauziyada 5 hayırlı konţert yapêrlar. Bu konţertlerdä toplanan paraları bu artistlär vereceklär Moskva Patriarhatın Moldova Mitropiliyasının Kaul hem Komrat Eparhiyasının Komrat “Panaiyanın İver ikonasının karı manastırına”.

Nicä açıkladılar Mihail hem Valentina YASIBAŞlar onnar isteerlär “ufak bir yardımda bulunmaa bu manastırın genişlenmesindä. Biz büük saygı duyêrız burada yaşayan insannara hem da manastırın duhovnii Shieromonah Ioann (Peioglo) bizim da duhovniimiz”.

Mihail hem Valentina YASIBAŞların “Yasti” duetının hayırlı konţertleri artık oldular Beşalma hem Tomay küülerindä. Kalan konţertlär olaceklar Aydar (Orak ayın (iyül) 8-dä), Avdarma (Orak ayın (iyül) 9-da) hem Baurçu (Orak ayın (iyül) 10-da) küülerindä.

Giriş biletin paası – 15 lei.

BİR CUVAP YAZIN