azerbaycan_4_

12.11.2020, tarafından yazılı , CÜMNE BÖLÜMÜ, 207 KERÄ BAKILMIŞ

Moldova azerbaycannıları Karbahta enseyişi kutladılar

Kasımın 10-da Moldovada yaşayan yaklaşık 200 azerbaycannı, Kişinevun merkezindä toplanıp, Azerbaycanın Bayırlı Karbahta enseyişini kutladılar. Hazırladılar bu sırayı Moldovada Azerbaycanın Büükelçilii hem Moldovada azerbaycannılar Kongresi.

Bayırlı Karbahta enseyişi kutlamaa deyni, Azerbaycan, Moldova hem Türkiye bayrakları ellerindä, onnar toplandılar Ştefan çel Mare pametniin yanında. Koyup Ştefan çel Mare pametniinä saygı çiçeklerini burada kutlama sözlerini tuttular.

Sıraya katılannarı Bayırlı Karabahta enseyişlän kutladılar Moldovada Azerbaycanın Büükelçisi Gudsi Dursun oglu OSMANOV hem Moldovada azerbaycannılar Kongresin azakarı.

Sora, Azerbaycan, Moldova hem Türkiye bayraklarını sallayarak, hepsicii yollandılar Türkiye Raspublikasının Kişinev Büükelçiliinä, neredä Büük ATATÜRKün pamätniinä çiçek koydular hem Bayırlı Karbahta enseyişä varmak için Türkiyenin yardımnarına şükür ettilär.

Kutlama sırası ilerledi Azerbaycan Kişinev Büükelçiliindä şenniklän, neredä geç vakıdadan çennik oldu hem feyerverklar patladıldı.
azerbaycan_3_
azerbaycan__

Büün Moldovada yaklaşık 5 bin azerbaycannı yaşêêr, çoyu onnarın XX-ci üzyılın 90-cı yıllarında Bayırlı Karabahtan kaçak olarak geldilär.

BİR CUVAP YAZIN