CNAS_

01.06.2020, tarafından yazılı , CÜMNE BÖLÜMÜ, 723 KERÄ BAKILMIŞ

Moldova CNASı bildirdi Türkiyeylän 13-cü annaşmanın uygulaması için

Moldova CNASı (Cümne Strahovaniyesında Milli Kasa) açıkladı, ani, başlayıp Kirez ayın (iyün) 1-dän, Türkiyeylän Cümne strahovaniyesında 13-cü annaşması hem “Cümne garantiyalarını ömürä geçirmektä Administrativ annaşması” kuvedä geçer.

Açıklamaya görä, bu annaşmada uygulanêrlar kaluplar pensiyaların verilmesindä yaşa görä, hastalıın beterinä kolaylıkların kısıtlamasına görä, aylä besleycisinin kayıbına görä, ölüyü gömmää deyni yardım parası, işsizlää görä yardım parası, gebelik hem duudurma üzerinä yardım parası, iştä olan kusurluk olayın beterinä yada zanaat hastalıına görä geçici olarak iş yapamamakta yardım parası, kendi memleketlerindä iştä olan kusurluk olayın beterinä hem hastalaa görä peydalanan geçici iş yapamamazlıına hem da iş erindän dışarda olan kusurluk olayına görä pensiyalar hem yardım paraları.

Bunnardan kaarä, annaşmada başka pensiya, komandirovkalar, stajlar hem cümne yardım paraları soruşları da erinä koyulêr. Bu konuda hem kalan işlerdä açıklamaları var nicä bulasınız

Moldova CNASın (Cümne Strahovaniyasında Milli Kasa) ofițial saytının internettakı sayfasında.

Bu günädän Cümne strahovaniyesında CNAS kullanardı 12 annaşma: Bulgariyaylan, Portugaliyaylan, Romıniyaylan, Lüksemburglan, Avstriyaylan, Estoniyaylan, Çehiyaylan, Belgiyaylan, Polşaylan, Vengriyaylan, Litvaylan hem Germaniyaylan.

Anaktar sözlär : , ,

BİR CUVAP YAZIN