gov

29.11.2013, tarafından yazılı , POLİTİKA BÖLÜMÜ, 890 KERÄ BAKILMIŞ

Moldova Evropanın kapusuna yaklaştı

Kasım ayın 29-da,  Litva Respublikasının baş kasabasında Vilnusta geçän Dou işbirlii samitın çerçevesindä, Moldovanın premier-ministrusu İurie LEANKA Moldovanın adından Evropa Birliinnän (EB) asoţiaţiya annaşmasına ön imza koydu. EB adından bu dokumenttä yazıldı EBnın dış işleri hem politikasının baş temsilcisi Kêtrin EŞTON.

Şindi lafta var, ani ileriyä Moldova var nicä Evropa Birliinnän asoţiaţiya annaşmasını heptän imzalasın da EBya girsin.
Moldovanın Konstituţiyası izin vermeer vatandaş insannara sormayıp bölä bir işi yapmaa. Konstituţiyaya görä bu iş lääzımdı Referenduma çıkarılsın, da herliim Moldova halkı bu işlän kayıl olursa, ozaman annaşmayı vardı nicä imzalamaa.
Moldova Evropanın eşiinä yaklaştı. O eşiklär pek dar. Bu üzerä da, bezbelli, Moldovanın bütün halkı orada sıymadıı için, moldovalı insannara sormadaan, soruşu Refernduma çıkarmadaan, büünkü öndercilär annaşmaya ön imzayı attılar. Kim biler o imza onnarı gelecektä nereyi getirecek?

Not. Ofiţial imzalamaktan bir gün ileri, EB hem Moldova  arasında 900 sayfalık annaşmanın herbir yapraa imzalandı. Nelär var bu 900 sayfada saklı tutulêr. Annaşma ensemizä boyundruk mu geçirecek osa kısmetli hem raat yaşamak mi verecek o 900 sayfanın içindä gömülü.
EBylan annaşma imzalanmadıınnan taa, moldovalılara adadılar, ani may ayınadan onnarı BEKİM VİZASIZ Evropaya yılda 90 günä kolvereceklär.

Foto – gov.md

BİR CUVAP YAZIN