komsomol (1)

27.01.2020, tarafından yazılı , CÜMNE BÖLÜMÜ, 67 KERÄ BAKILMIŞ

Moldova Prezident İgor DODON Moldaviya Komsomolun 95-ci yıldönümü kutlamasında pay aldı

Büük ayın (yanvar) 25-dä Moldova Prezidentı İgor DODONun kanadı altında Kişinevun “Nikolay SULAK Milli Palatası”nda geçti Moldaviya Komsomolun 95-ci yıldönümü kutlamasınnan ilgili büük bir yortulu sıra.

Açtı yortuyu Moldaviya Komsomolun Merkez Komitetın birinci sekretari hem Kutlama ştabın başı Dimitriy BRAGİŞ.

Bundan sora zalda bulunannara kutlama sözünnän danıştı Moldova Prezidentı İgor DODON.

Yortuda pay aldı bütün respublikadan hem eski Sovetlär Birlii devletlerindän bindän zeedä komsomol veterannarı. Onnarın arasında vardılar Moldaviya Komsomolun Merkez Komitetın sekretarleri hem azaları, rayonnar komsomol komitetlerin hem raykom hakları olan komitetların sekretarleri, komsomol ödüllerin laureatları hem başkaları.

“Nikolay SULAK Milli Palatası”nın ikinci katında kuruluydu bir meraklı sergi, ani annadardı Moldaviya Komsomolun 95 yıllık yolunu.

Bu büük yortuda büük konțert ta oldu, angısında pay aldılar “Rapsodiya” hor studiyası, “Romanița” ansamblisi, Lüdmila PAMUCAK, “Kadınca” ansamblisi hem Mariya KISSA-TARANENKO, Anişoara BRAGARİ-MOROŞANU, “Avanti” orkestrası, “JOK” ansamblisi, “Polidans” grupası hem komsomolun istoriyasınnan ilgili ansamblilär “Sineya ptița”, “Norok” “Poyuşçie gitarı”.
komsomol (4)
komsomol (2)
komsomol (3)
komsomol (5)

BİR CUVAP YAZIN