eroplan_1

06.04.2020, tarafından yazılı , CÜMNE BÖLÜMÜ, 95 KERÄ BAKILMIŞ

Moldova vatandaşlarını çarter eraplannarınnan evä getirerlär

Moldova dışişleri hem Evropaya integraţiya ministrusu Oleg ȚULÄ bildirdi, ani dünnääda sınırların hem avio reysları kapandıktan sora, Moldova kendi vatandaşlarını çarter eraplannarınnan evä getirmää başladı.

 

Oleg ȚULÄ  açıkladı, ani Baba Marta ayın 18-dän büünkü günädän 24 çarter yapıldı hem “Çiçek ayın (aprel) 6-19-zu günneri arası taa 14 çarter yapılacek. Çiçek ayın (aprel) 6-12 günnerindä bu kasabalardan: Frankfurt (Germaniya), Lissabon (Portugaliya), Madrid (İspaniya), Brüssel (Belgiya), Varşava (Polşa), Dublin (İrlandiya) hem London (Büük Britaniya). Çiçek ayın (aprel) 3-19 günnerindä bu kasabalardan: Amsterdam (Niderlandı), Venețiya (İtaliya), Parij (Franțiya), Berlin (Germaniya), Rim (İtaliya), London (Büük Britaniya) hem Praga (Çehiya)”.

Moldova dışişleri hem Evropaya integraţiya ministerliin (MDEİM) devlet sekretari Evgeniya REVENKO sa bildirdi, ani bu reyslara alınacek insannarın listesini hazırlêêrlar Moldovanın Büükelçilikleri, anketalara görä, angılarını insannar on-line doldurêrlar. O urguladı, ani bu listelerdä ön vererlär uşakları olan aylelerä, studentlara hem ilaçlanmada bulunan vatandaşlara.

Moldova dışişleri hem Evropaya integraţiya ministerliin açıklamalarına görä Baba Marta ayın 18-dän Çiçek ayın (aprel) 2-dän Moldovaya yabancılıktan 4800 kişi getirildi.

Son 24 saatta Moldovaya 2 651 kişi girdi. Onnarın 300-zü çarter reyslarınnan gelennär.

BİR CUVAP YAZIN