TC_elci_Gurol

22.07.2018, tarafından yazılı , CÜMNE BÖLÜMÜ, 977 KERÄ BAKILMIŞ

Moldovada eni Türkiye Büükelçisi

2018-ci yılın Orak ayın (iyül) 16-dan beeri Moldovada eni Türkiye Kişinev Büükelçisi Halil Gürol SÖKMENSÜER çalışmasına başladı. Ofițial olarak Canabisi işinä başlayacek o gündän beeri, açan kendi Büükelçi güvennik mektubunu Moldova Prezidentına verecek.

Orak ayın (iyül) 20-dä Büükelçi Halil Gürol SÖKMENSÜER güvennik mektubunun kopiyasını verdi Moldova dışişleri hem Evropaya integrațiya ministerliin çift taraflı hem çok taraflı işbirlii uurunda devlet sekretarinä Tatiana MOLCEANuya.

Buluşma çerçevesindä, Tatiana MOLCEAN hem Halil Gürol SÖKMENSÜER bakışlarını açıkladılar Moldova hem Türkiye arasında büünkü işbirliin durumuna hem urguladılar, ani onnar pek üüsek uurda bulunêrlar.

Büükelçi Halil Gürol SÖKMENSÜER urguladı, ani ileri dooru da bu işbirlii ilerleyecek hem açıkladı, ani Türkiye devleti taa da yardımcı olacek Moldovada ilerlemä programalarını ömürä geçirmää deyni, bildirer www.mfa.gov.md saytı.

BİR CUVAP YAZIN