zanet_lıtey (4)

03.09.2019, tarafından yazılı , CÜMNE BÖLÜMÜ, 153 KERÄ BAKILMIŞ

Moldovada hem Gagauziyada eni üürenmäk yılı başladı

Ceviz ayın 2-dä Moldovada hem Gagauziyada şkolacılara deyni yortulu lineykalarlan eni üürenmäk yılı başladı, neredä uşakların, üüredicilerin, anaların bobaların önnerindä devlet hem iş adamnarı, yazıcılar, ana-boba komitetların başları kutlama nasaatları tuttular hem şkolalara baaşışlar getirdilär.

Kongaz Todur ZANET lițeyindä eni üürenmäk yılı başladı 498 uşaa deyni. Yortulu lineykada ilkin uşaklara kutlama sözünnän danıştı lițeyin direktoru Marya ÇEBANOVA. Sora, biri-biri ardı söz alarak, lineykada bulunannara danıştılar hem şkolaya baaşış verdilär Moldova parlamentın deputatı Aleksandr SUHODOLSKİY (baaşladı noutbuk, printer hem ekran), Kongaz küüyün primarı Mihail ESİR (baaşladı magnitli tafta), Akademik Todur ZANET (baaşladı literatura kiyatlarını), Moldova parlamentın eski deputatı Demyan KARASENİ hem lider İosif KARASENİ (baaşladılar sport forması komplektlarını).

Gagauziya öndercilerin adından birinci klasa başlayan uşaklara baaşlandı “Gündelik” tefterleri.

Bu yortulu gündä uşaklara gagauz oyunnarını gösterdilär Kongaz küüyün “Altın çöşmä”  uşak oyun ansamblisinin artistleri.

Birinci klasların üürencileri da şkolaylan ilgili peetleri okudular.

Yortulu lineyka başarıldı “ilk çan ötmesinnän”, nedän sora üürencilär yollandılar kendi klaslarına – 2019-2020 üürenmäk yılın ilk uroona.
zanet_lıtey (2)
zanet_lıtey (1)
zanet_lıtey (5)
zanet_lıtey (3)

BİR CUVAP YAZIN