Novruz_2019 (1)

21.03.2019, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 230 KERÄ BAKILMIŞ

Moldovada “Novruz bayramı” bakılêr

Baba Marta ayın 20-21 günnerindä Türk dünnäsı kutlêêr en evelki türk yortusunu – “Novruz bayramı”nı. Moldovada azerbaycannılar Kongresin zaametinnän bu yortu Moldovada da kutlanıldı.
Novruz_2019 (2)

“Novruz bayramı”nı kutlama sırasında pay aldılar Moldovanın Moldovada azerbaycannılar Kongresin azaları, Azerbaycan Büükelçisi Gudsi Dursun oglu OSMANOV, Türkiye Kişinev Büükelçisi Gürol SÖKMENSÜER, Moldovanın üüredicilik, kultura hem aaraştırma ministrusu Monika BABUK, Moldovanın etnikalararası Bürosunun başı Oleg BABENKO, yabancı devletlerin diplomatları, politika, kultura, bilim hem incäzanaat insannarı.
Novruz_2019 (3)

Kutlama sırası başladı yortunun simvolunu “Sêmêni” (eşerän booday) cümne insanın önünä sürmäk oyununnan.

Yortunun ofițial açılışını yaptı Moldovada azerbaycannılar Kongresinin başı Vugar NOVRUZOV. Sora kutlama hem selemnemä sözlerinnän insannara danıştılar Monika BABUK, Gudsi Dursun oglu OSMANOV hem başkaları.

“Novruz bayramı”na gelennerä şennik yaptılar Moldovanın opera türkücüleri hem azerbaycan oyun ansamblisi.

Not. 2009-cu yılda “Novruz” ÜNESKO tarafından insannıın kultura varlıın listesinä alındı. “Novruz” günündä ateş yakılêr, türlü tatlılıklar (şekerbera, badambura, pahlava, gogal) hazırlanêr, kurulêr “hança” (tabla üstündä erleştirilmiş tatlılar), büüdüler “sêmêni” (booday tenelerindän), boyanêr yımırta hem t.b.

BİR CUVAP YAZIN