Küçük ayın (fevral) 29-da Kişinevda geçti “Eurovision” halklararası konkursa elemenin finalı, angısında pay aldı Gagauziyanın Kiriyet küüyündän türkücü Dimitriy JELEZOGLU da.
“Eurovision” halklararası konkursa elemenin finalına 20 kişi geçti. Finalda jürinin hem siiredicilerin oy vermesinnän erlär ayırıldı.
Birinci eri hem Moldovadan “Eurovision” halklararası konkursuna yolu, 64 ballan, kazandı Kişinevdan türkücüyka Nataliya GORDİENKO.
Gagauziyanın Kiriyet küüyündän türkücü Dimitriy JELEZOGLU 3 ballan finalda 14-cü oldu.
Not. “Eurovision” halklararası konkursun yarışmalarının yarı finalları geçecek Niderlandı devletinin Rotterdam kasabasında Hederlez ayın (may) 12 hem 14 günnerindä, finalı da olacek Hederlez ayın (may)16-da.
