korona_grafik_25.03.2020_1

26.03.2020, tarafından yazılı , CÜMNE BÖLÜMÜ, 220 KERÄ BAKILMIŞ

Moldovanın COVID-19 hastalık reytigında 84-cü erdän 76-cı erä geçti

Baba Marta ayın 25-dä avşamneyin yapılan brifingta Moldovanın saalıı, işi hem cümneyi koruma ministrusu Viorika DUMBRAVÄNU, bildirdi ani Moldova içindä  24 saatta koronavirus hastaların sayısı taa 24 kişiyä zeedelendi.

Bu 24 kişidän 21-ri – erindä ulaşannar (Kişinev, Hınçeşti, Soroka, Rışkan, Ştefan Voda, Yaloven, Straşen), 3-çü – yabancılıktan gelennär (Büük Britaniyadan –2, Germaniyadan – 1).

Bu 24 hastalarlan bilä COVID-19-za ulaşannarın sayısı Moldovada 149-za çıktı. Şindi, statistikaya görä, Moldovada 1 milion insana 37 koronavirus hastası var hem COVID-19-za ulaşannar 24 saatta 19% zeedelendi.

Bütündünnää saalıı koruma Kuruluşun haberinä görä, Kitay devletindä 2019-cu yılın sonunda peydalanan koronavirus (COVID-19) hastalıına, bu günädän 414179 insan ulaştı, 18440 bindän zeedä öldü. Ölennerin 12 bindän zeedesi Evropada.

Grafik: point.md

BİR CUVAP YAZIN