valkanes_bride_

02.10.2015, tarafından yazılı , EKONOMİKA BÖLÜMÜ, 1139 KERÄ BAKILMIŞ

Moldovanın ekonomika ministrusu Gagauziyada bulundu

Bu afta Moldovanın ekonomika ministrusu Stefan BRİDE, yanına Liţenziya palatasının hem energiyaefektivnost Agenstvosunun öndercilerini alıp, Gagauziyayı gezdi. Vizit zamanında Kişinevdan delegaţiya buluştu Gagauziya öndercilerinnän, tanıştı “Valkaneş” ekonomika serbest zonasınnan, buluştu investorlarlan.

İki taraflı buluşmalarda Gagauziya hem ekonomika ministerlii arasında işbirlii noktaları incelendi. Komrat industriya parkın hem “Valkaneş” ekonomika serbest zonasınnın ilerlemelerinän ilgili soruşlar bakıldı. Bu çerçevedä Curculeşt derä-deniz portun teklifleri da ortaya koyuldu.

Ekonomika ministrusu Stefan BRİDE açıkladı, ani “Gagauziyada işleyän ekonomika agentları da lääzım kullansınnar o fondların paralarını, ani Moldovaya veriler. O paraların arasında var Dünnä bankasının 2-ci proektı, angısının bügetı 3 milion dolar”.

Gagauziya Başkanı İrina VLAH sa urguladı, ani “ekonomika ministersliinnnän işbirliindä Gagauziyadan işadamnarına da lääzım yol verilsin. Onnar da lääzım pay alasınnar milli hem regional ekonomika politikasının platformaların kurulmasında”. Bundan kaarä Canabisi açıkladı, ani “Gagauziyada ekonomika proektların ilerlemesindä, eni biznes-inkubatorların açılmasında, energoefektivnost proektların kurulmasında, gençlerin üüredilmesindä hem biznesın ilerledilmesindä Moldova ekonomika ministerlii lääzım taa çok yardımcı olsun”.
Not. 2014-cü yılda “Valkaneş” ekonomika serbest zonasından 282,3 milion leylik satış yapıldı. Bakarak 2013-cü yıla 6,3% zeedelenmäk var. Malların 97,6% eksporta gitti.

2015-ci yılın Orak ayın (iyül) 1-si gününä kadar “Valkaneş” ekonomika serbest zonasında 28 rezident erleşti. Orada 374 kişi işleer. Zonanın kurulmasından beeri burayı 15,6 milion dolarlık invistiţiya yapıldı.

BİR CUVAP YAZIN