minekonom

25.03.2016, tarafından yazılı , EKONOMİKA BÖLÜMÜ, 1052 KERÄ BAKILMIŞ

Moldovaylan Türkiye karşılıklı investiţiyaları koruyaceklar hem onnara kolaylık vereceklär

Moldova ekonomika Ministerliin presaylan ilişkileri Serviçi bildirdi, ani Baba Marta ayın 23-dä Moldova pravitelstvosunda incelendi dokument, angısına görä Moldovaylan Türkiye karşılıklı investiţiyaları koruyaceklar hem onnara kolaylık vereceklär.

Bu dokumentta temelä koyulêr juridika prinţipları, angıları iki devlet arasında ilişkileri kaavileştirecek, ekonomika işbirliini ilerledecek hem karşı devlettä insannarlan firmalara investiţiya kolaylıkları verecek. Bundan kaarä bu dokument karşılıklı investiţiyaları koruyacek hem çeşitli uurda moldo-türk işbirliini zeedeledecek.

Not. İki deletin pravitelstvoları arasında karşılıklı investiţiyaları korumak hem onnara kolaylık veremäk soruşların incelenmesi açıldı Moldova ekonomika Ministerliin teklifinnän (2015-ci yılın Baba Marta ayın 27-dän Moldova Pravitelstvosunun №122 Kararı).

BİR CUVAP YAZIN