msk_son

03.07.2019, tarafından yazılı , CÜMNE BÖLÜMÜ, 288 KERÄ BAKILMIŞ

MSK seçimnerin olmasını kabletti

Orak ayın (iyül) 2-dä Gagauziya Merkez Seçim Komisiyası (MSK) Gagauziya Başkanı seçimnerin sonuçlarının açıklamak için son toplantısını yaptı.

MSKya görä Gagauziyada 2019-cu yılın Kirez ayın (iyün) 30-da Gagauziya (Gagauz Yeri) Başkanı seçimneri oldu hem ona seçimcilerin 50,43% (55380 kişi) katıldı.

MSK bidirdi, ani seçimnerdä Gagauziya Başkanı genä İrina VLAH ayırılmış. Onun için 91,27% (49742 kişi) ses vermiş. Kalan proțentlär öbür üç kandidatın arasında payedilmiş: Sergey ÇİMPOEŞ – 7,27% (3932 kişi), İvan BURGUCU – 0,88% (481 kişi), Dimitriy MANOL – 0,64% (346 kişi).

Şindi seçimnärlän ilgili protokollar Komrat Apeläțiya Palatasına yollanacek.

BİR CUVAP YAZIN