soseva

13.11.2017, tarafından yazılı , CÜMNE BÖLÜMÜ, 35 KERÄ BAKILMIŞ

Natalya ŞOŞEVAyı GHT çorbacılıından çıkardılar

Kasımın 10-da Gagauziya Halk Topluşu sıradakı toplantısına toplanıp, başka soruşların arasında, GHT Başın birinci yardımcısını Natalya ŞOŞEVAyı çorbacılıktan çıkardı.

Bu soruşu oylamaya koydu GHT Başı Vladimir KISSA, temelä alarak GHTnın 13 deputatın (Sergey ÇERNEV, Nikolay RAYA, Stepan SARİOGLU, İvan ARNAUT, Aleksandr TARNAVSKİY, Vitaliy DRAGOY, Nikolay ORMANCI, Vitaliy ÇEBANU, Ruslan GARBALI, Grigoriy KADIN, Mihail MANOLOV, Vladimir KISSA, Nikolay UZUN) danışmasını.

Toplantıda bulunan 32 deputattan 19-zu oylarını verdilär, ani Natalya ŞOŞEVAyı çorbacılıktan çıkarmaa. Olyamaya açıktan karşı çıktılar hem onda pay almadılar GHT deputatları Georgiy LEYÇU, Nikolay İVANÇUK, Grigoriy UZUN, Grigoriy DÜLGER, Aleksandr SUHODOLSKİY hem Dimitriy ÇEBANOV.

Alınan kararı ilktän, maamilä surat, «Об оптимизации расходов на содержание заместителей Председателя Народного Собрания Гагаузии и постоянных комиссий» kararın örtüsü altına çektilär. Ama sora GHT Başı Vladimir KISSA açıkladı, ani haliz sebep «В связи с невыполнением функциональных обязанностей».

Kendisi Natalya ŞOŞEVA saburlu kabletti bu kararı, deyeräk: «Я не держусь за эту должность. И буду, благодарна за любое решение».
Foto: gagauzmedia.md

BİR CUVAP YAZIN