HABER DİZİSİ
Sayfa:
1 | 2 | 3 | 4 | 5 | 6 | 7 | 8 | 9 | 10 >>>
|
SOLÄRKA ETİŞTİ 31-07-2010 Orak ay (iyul) №7 (542)
|
|
|
|
|
Bu ayın ortasında Gagauziyaya demir yolundan etişti 30 ţisterna üklü Rusiyadan parasız yardım için yollanılan solärkaylan.
Yakınnarda läzım gelsin solärkanın kalanı da (taa 54 ţisterna). Solärka etişmedän taa Gagauziya İspolkomu açıkladı angı küüyä, kimä, nekadar bu solärkadan verilecek. Hem yannış lafları ortadan kaldırmaa deyni, solärkanın daatım listesini İspolkomun ofiţial saytında yayınnandı. Läzım urgulamaa, ani bu yakıt vakıdında geldi, taman orak vakıdı için.
|
|
|
|
TÜRKİYEDÄN – AMBULANS 25-06-2010 Kirez ay (iyun) №6 (541)
|
|
|
|
|
Hederlez ayın (may) 18-dä Moldovaya hem Gagauziyaya bir vizitlän gelän Türkiye Devlet Bakanı Faruk ÇELİK baaşladı Gagauziyaya bir reanimobil ambulansı. TİKA yolunnan taa dört bölä ambulans Moldovaya tezdä baaşlanacek (2 Gagauziyaya, 2 da Moldovaya).
|
|
|
|
RUSİYADAN – SOLÄRKA 25-06-2010 Kirez ay (iyun) №6 (541)
|
|
|
|
|
Gagauziya Başkanı Mihail FORMUZAL genä açıkladı, ani Rusiya Federaţiyası yollêêr Gagauziyaya deyni 5 bin ton parasız solärka yardımı.
Yardım lääzımdı taa iki ay geeri gelsin. Ama şindi da diil geç – Gagauziyada orak vakıdı başlêêr. Sırada başkan seçimneri da.
|
|
|
|
BİYAZRUSİYADAN – TRAKTOR 25-06-2010 Kirez ay (iyun) №6 (541)
|
|
|
|
|
Kişinevda yapılan pres-konferenţiyada Gagauziya Başkanı açıkladı, ani Biyazrusiyaylan var annaşma en orada yapılan traktorların bir modelini en yakın zamannarda Çadır kasabasında başlamaa toplamaa.
|
|
|
|
MOLDOVADAN – GAZON 25-06-2010 Kirez ay (iyun) №6 (541)
|
|
|
|
|
“Gagauziya” futbol komandasının Moldovanın “A” divizionuna çıkmasınnan ilgili olarak, Moldova Futbol Federaţiyası baaşlayacek Komrat stadionuna bir sintetik gazon.
|
|
|
|
REFERENDUM 25-06-2010 Kirez ay (iyun) №6 (541)
|
|
|
|
|
Moldova Parlamentının Evropaya İntegraţiya Alyansın öndercileri açıkladılar, ani bu yılın Ceviz (sentäbri) ayın sonunadan Moldovada Konstituţiyanın 78 statyasının diiştirilmesinnän ilgili referendum olacek. (78-ci statya Moldova Prezidentının seçilmesini açıklêêr).
|
|
|
|
SEÇİMNÄR 25-06-2010 Kirez ay (iyun) №6 (541)
|
|
|
|
|
Konstituţiyanın 78 statyasının diiştirilmesinnän ilgili referendum başarılı olarsaydı, ozaman Kasım ayında Moldovada Parlamentın hem Prezidentın seçimneri var nicä olsun.
|
|
|
|
SİMVOLLAR 25-06-2010 Kirez ay (iyun) №6 (541)
|
|
|
|
|
Totalitar komunist rejimını inceleyän komisiya sayêr, ani Moldovada komunist rejimını hem onun simvollarını zapa altına lääzım koymaa. Moldova Parlamentı bu konuda bir karar almadı.
|
|
|
|
DEKLARAŢİYA 25-06-2010 Kirez ay (iyun) №6 (541)
|
|
|
|
|
Moldovanın baamsızlıı için Deklaraţiyanın kabledilmesinin 20-ci yıldönümünnän ilgili olarak, Kişinevun Opera hem balet teatrusunda büünkü Moldova Parlamentın hem birinci parlamentının deputatların ortak toplantısı oldu.
İrmi yıl geeri Parlamentın toplantısı bu teatruda olduydu.
|
|
|
|
BAYRAK 25-06-2010 Kirez ay (iyun) №6 (541)
|
|
|
|
|
Gagauziyanın bayraa var nicä takılsın Elbrus bayırın tepesinä. En aazdan bunu isteer yaptırmaa Gagauziya İspolkomu, vereräk 5 bin ley bu iş için bir alpinista, ani adêêr, Elbrusa tırmanıp, bu işi başarmaa.
Elbrus bayırına tırmanmak başlaması Orak ayın 5-dä beklener.
|
|
|
Sayfa:
1 | 2 | 3 | 4 | 5 | 6 | 7 | 8 | 9 | 10 >>>
|
