Nikolay_Kiseev

14.09.2016, tarafından yazılı , CÜMNE BÖLÜMÜ, 260 KERÄ BAKILMIŞ

Nikolay Mihayloviç KİSEEV raametli oldu

Kişinevda raametli oldu anılmış gagauz sudyası, Moldova Konstituţiya sudun eski azası Nikolay Mihayloviç KİSEEV.

Nikolay Mihayloviç KİSEEV duudu Çadır kasabasında 1932-ci yılın Kasım ayın 15-dä. Başardı yurist hem istoriya uurunda Universitetı. Çok yıllar işledi Çadır rayon sudunun başı hem Moldovanın sudlar Kolegiyasının azası oldu. İşledi devletin Üst sudyalık Palatasında.

1995-ci yılın Küçük ayın (fevral) 16-dan 2001-ci yılın Küçük ayın (fevral) 23-dän Moldova Konstituţiya sudun sudyasıydı.

2003-cü yılda Nikolay Mihayloviç KİSEEV Moldova Konstituţiyasının 111-ci statyasına enilenmä yaptı. O enilenmäylän Moldova Respublikasının içindä Gagauziyanın statusu temelleştirildi.

Canabisi çok yıllar Komrat Devlet universitetında işledi, bilim uurunda aaraştımaları hem kiyatları var.

Topacıı ilin olsun!

BİR CUVAP YAZIN