Notre_Dame_de_Paris (1)

16.04.2019, tarafından yazılı , CÜMNE BÖLÜMÜ, 348 KERÄ BAKILMIŞ

Notre-Dame de Paris yangını Franțiyanın üreeni yaktı

Çiçek ayın (aprel) 15-16 gecesindä yandı Franțiyanın hem Bütün Evropanın kultura simvolu – Notre-Dame de Paris (Parij Panayıyasının Soboru). Yangın yoketti soborun örtüsünü, saadını, şpilini hem hepsi aaçtan yapılı parçalarını, eritti kalaylan bitiştirili vitrajları hem ara örtüleri.
FRANCE NOTRE DAME FIRE

Dünnää presası bildirer, ani yangın başladı avşamneyin Çiçek ayın (aprel) 15-dä saat ediyä yakın da iki saadın içindä yoketti örtüyü hem şpili. Ateşi kontrol altına almaa becerdilär sadä sabaa karşı gecä saat dördä yakın.

Yangınnan sündürmää savaştı 500-zä yakın yngıncı, ama soborun yapısına görä (soborun üüseklii – 35 metra, başneların– 69 metra) onnar yakın yaklaşamardılar, merdivenneri uzadamardılar.
Notre_Dame_de_Paris (2)

Bildiriler, ani Notre-Dame de Paris (Parij Panayıyasının Soboru) soburunda bulunan dünnää kulturasının hem hristiannıın kimi paalılıklarını kurtarmaa becermişlär. O paalılıkların arasında var İsus Hristozun başına takılan pıtıraklı feneț ta, ani burada korunardı.

Yangının sebepi belli diil. Sayılêr, ani o çeketti iskelerdä, ani burada restovrațiya için kuruluydular.

Not. Notre-Dame de Paris (Parij Panayıyasının Soboru) katolik klisesi, ani yapıldı Rim imperatoruun Yupiter hramının temelindä 1163-1345 yıllarında.

BİR CUVAP YAZIN