Küçük ayın (fevral) 10-da Gagauziya Başkanınnan primarların toplantısında Gagauziya primarlar Asoțiațiyasının başı Kıpçak küüyün primarı Oleg GARİZAN ayırıldı.
Toplantıda 27 primardan 24-dü vardı. Onnarın 12-si oylarını Oleg GARİZAN için verdilär, 10 da ikinci kandidat Svetloe küüyün primarı Pavel FELÇİKOV için seslerini kullandılar. 2 primar ikiliktä kaldı.
Oleg GARİZAN şükür etti ona verilän inan için hem adadı, ani bu uurda çalışmasında bütün bilgilerini hem kuvedini kullanacek.
Not. Oleg GARİZAN 48 yaşında. Bıldır Kıpçak küüyün primarı olarak beşincilää seçildi. 2009-2014 yıllarında Moldova Parlamentın Komunistlär partiyasından deputatı oldu. Dört uşaan bobası.