olimp_master-klas (1)

15.04.2019, tarafından yazılı , CÜMNE, LİTERATURA, LİTERATURA ÖMÜRÜ BÖLÜMÜ, 669 KERÄ BAKILMIŞ

Olimiadacılara Todur ZANETtän master-klas

Çiçek ayın 13-dä Kişinevun “Antioh Kantemir” liţeyindä geçän XXX-cu Gagauz dilindä hem literaturasında Respublika Olimpiadasına katılannara deyni Akademik hem yazıcı Todur ZANET literatura hem folkloru aaraştırma uurunda master-klas gösterdi.
olimp_master-klas (2)

Master-klasta Canabisi tanıştırdı olimpiadacıları 4 dildä (gagauzça, angliyca, moldovanca hem rusça) hazırlandıı “Gagauzların kayıp olan dilinin hem kultura adetlerinin Moldovada korunması” 3 bilim kiyadınnan hem annattı nicä bu kiyatlar hazırlandı.

Bundan kaarä Todur ZANET annattı peet hem proza yaratmaları için, tanıştırdı kendi “Seçmä yaratmalar” kiyadınnan, okudu peet hem, master-klasın sonunda, annattı zalda bulunannara gagauz halk masalın “Padişah hem Lala yada Dahril hem Züfrem” süjetını.

Master-klasa katıldı genç, ama artık anılmış poet Tatyana DRAGNEVA, angısı okudu kendi peetlerindän örnekleri. Kalmadılar bir tarafta olimpiadacılar da – kendi peetlerini okudular körpä poetlar Veronika ÇOLAK (Kıpçak küüyün B. Yanakoglu teoretik liţeyi) hem Sevgi AKÜZ (Kazayak küüyün teoretik liţeyi).

Master-klas buluşmanın sonunda olimpiadacılar yalvardılar, ani, yakışarsaydı, Todur ZANET baaşlasın onnara kendi “Seçmä yaratmalar” kiyadını.

BİR CUVAP YAZIN