Gagauziya Halk Topluşu deputatları Elena KARAMİT (Avdarma), Ekaterina JEKOVA (Çöşmä küüyü) hem Aleksandr TARNAVSKİY (Komrat) teklif ederlär kabletmää Zakon, angısına görä kolaylık olacek Gagauziya bücetı yardım etsin küülerä sokakları aydınnatmak uurunda.
Hederlez ayın (may) 25-dä bu üç deputat pres-konferenţiyada açıkladılar, ani
Canabileri danışêrlar Gagauziya İspolkomuna hem Halk Topluşuna «Освещенное гагаузское село» zakon iniţiativasınnan.
Açıklamaya görä zakonda teklif ediler herbir küüyä Gagauziya bücetından insan başına vermää ayda 5-şär ley. Bu paraları primariyalar var nicä kullansınnar ya sokakları aydınnadan elektrika harçlarını ödemää deyni, yada karannık sokaklarda eni elektrikalı aydınnatma sistemalarını kurmaa deyni.
Redakţiyadan: Pek islää bir zakon iniţiativası. Allaa yardımcı olsun bu insannara hem Gagauziyaya.