visotskiy

25.07.2018, tarafından yazılı , CÜMNE, LİTERATURA, LİTERATURA ÖMÜRÜ, POEZİYA BÖLÜMÜ, 118 KERÄ BAKILMIŞ

Orak ayın 25-dä Vladimir VISOŢKİYi anmak günü

Orak ayın 25-dä bakılêr anılımış rus poetın, yazıcının, aktörun, türkücünün Vladimir Semönoviç VISOŢKİYin (25.01.1938 – 25.07.1980) anma günü. Vladimir VISOŢKİY kendi peetlerini, türkü olarak, çalardı edi telli gitarada. O yaşadı Sovet zamanında hem ozaman hiç bir kiyadı çıkmadı, ama onun may hepsi yaratmalarını insannar bilärdilär hem sevärdilär… onnar da, kim ona yol vermäzdi…

Bän sevmeerim o ölümnü sonuçları
Bän sevmeerim o ölümnü sonuçları,
Hem hiç yorgunnuum bu ömürdän.
Bän sevmeerim fasıl vakıtları,
Açan şennik hiç esmeer türkümdän.
Ţinizmayı bän sevmeerim heptän,
Bän açmêêrım o şaşmaya yınancımı,
Hem sevmeerim, açan hep arkadan,
Kimnärsa okuyêr kiyadımı.
Bän sevmeerim, açan salt yarıya,
Yada sözü keserlär ortadan.
Hem da, açan ateş ederlär arkadan,
Karşıyım bän, açan urêrlar karşıdan.
Hiç yok gözüm göriym lafetmeyi,
Şüpä kurtlarını hem şan iinesini,
Şişelerdä demirlän çiziyi,
Yada, açan yapêrlar tersini.
Bän sevmeerim o tok kanırıklıı,
Bana kolay hep tormozsuz gezmää!
Yazık, ani geldi o “nam” lafın kıtlıı,
Şindi namda var – laf salt gezdirmää.
Açan görerim o kırık kanatları,
Acızgannıım hiç yok, te bu te takaza:
Bän sevmeerim zorluu, mamakları,
Canım salt acıyêr o Hristoza.
Hiç sevmeerim,
açan olêrım bän korkak,
Hem da, açan kabaatsıza lobut düşer,
Güçlüyüm
sokulduynan canıma ahmak,
Hem taa beter, açan orêy o tükürer.
Fasıl bana arena, manejlar,
Orda bozêrlar rubliyä milionu,
Ko ilerdä olsun diişilmeklär,
Hiç bir kerä bän sevmiycam bunu.
(Rusçadan çevirdi Todur ZANET,
2015-ci yılda, Kasım ayın 16-18)

BİR CUVAP YAZIN