orizont

06.09.2018, tarafından yazılı , CÜMNE BÖLÜMÜ, 306 KERÄ BAKILMIŞ

“Orizont” Türk liţeylerin öndercilerini SİS Moldovadan attı

2018-ci yılın Ceviz ayın (sentäbri) 6-da, çin sabaalän, Moldovanın SİS kuruluşun ofițerleri tuttular Moldovadaki “Orizont” moldo-türk liţeyin hem onun filiallarının 6 öndercisini da osaat onnarı Moldovanın dışına attılar.

Tutulannarın arasında Çadır filialın direktoru Feridun TÜFEKÇİ, Durleşti filialın direktoru Rıza DOĞAN, Kişinev Çokana filialın türk dilindä üüredicisi Husein BAYRATAR, Kişinev “Orizont” moldo-türk liţeyin baş direktorun yardımcısı Hasan KARACOĞLU, piar-direktoru Yasin ÖZDİL hem finans direktoru Mucad ÇELÄDİ, bildirer SİSın basın merkezi.

Bundan kaarä SİS bildirdi, ani bu insannar Moldova için kuşkulu insannar, onun için onnarı hemen Moldova dışına attılar.

Moldova hem kimi Türkiye presasında peydalandı haber, ani bu altı kişiyi SİS Türkiyeyä yollamış.

Not. Türkiye Respublikası sayêr Moldovadaki “Orizont” moldo-türk liţeyini Fetullah GÜLENin teror organizaţiyasının, FETÖnun kurduu liţeyi hem durmamayca isteer Moldova Pravitelstvosu bu liţeyleri kapatsın.

BİR CUVAP YAZIN