tc_gözlemcileri_1_

13.07.2021, tarafından yazılı , CÜMNE, POLİTİKA BÖLÜMÜ, 416 KERÄ BAKILMIŞ

Parlament seçimneridä Türkiyedän dä gözlemci vardı

Moldova Seçim Komisiyasının açıklamasına görä 11.07.2021 günündä Moldovada olan Parlamenta erken seçimnerinä 2 436 gözlemciyä akreditațiya yapıldı. Onnarın arasından Türkiyedän deputatlar da vardı.

Açıklamalara görä akreditațiyalı gözlemcilerin arasında Moldovadan vardılar 1800 erindeki kişi hem 6 cümne birlii. Bundan kaarä seçimnerin monitoringında pay aldılar Moldovada bulunan 17 diplomatiya misiyaların temsilcileri, 11 halklararası seçim strukturalarından seçim uurunda 30 halklararası ekspert hem 14 sınır aşırı kuruluşlardan 606 temsilci.

Türkiye Respublikasının Parlamentından da 3 güzlemci vardı – deputatlar Kämil AYDIN, Ahmet ARSLAN hem Cemal ÖZTÜRK. Seçimnär bittiktän sora bu gözlemcilärlän buluştu Gagauziya Başkanı irina VLAH. Buluşmada pay aldı Türkiye Respublikasının Gagauziya Komrat Başkonsulu Hasan AKDOĞAN da.
tc_gözlemcileri_2_

Foto: gagauzinfo.md

BİR CUVAP YAZIN