yanulov_sanni_vatandas

13.07.2015, tarafından yazılı , CÜMNE, KİŞİLÄR BÖLÜMÜ, 1280 KERÄ BAKILMIŞ

Pötr YANULOV “Gagauziyanın şannı vatandaşı” oldu

Anılmış gagauz güreşçisinä, I-ci Evropa Olimpiada oyunnarın gümüş medalisinin saabisinä, serbest güreşçiya Pötr YANULOVa “Gagauziyannın şanı vatandaşı” verildi.

Gagauziyanın bu büük nagradasını vermää deyni hem sportsmenı kutlamaa deyni, onun ana küüyünä, Kıpçaa, geldilär Gagauziyanın öndercileri, İspolkom azaları hem GHT deputatları, Moldovanın güreş federaţiyasının temsilcisi, kıpçaklılar, Canabisinin yakınnarı hem dostları.

Kutlama sırası oldu küüyün kultura Evindä.

İlkin Gagauziya Başkanı İrinaVLAH kutladı güreşçiyi hem verdi ona “Gagauziyanın şannı vatandaşı” diplomunu hem İspolkomun 40 bin ley baaşışını, I-ci Evropa oyunnarında gümüş medaliyi kazanması için.

Gagauziya Halk Topluşu Başı Dimitriy KONSTANTİNOV şükür etti Pötr YANULOVun anasına-bobasına hem dädusuna o iş için, ani büüttülär bölä bir adamı hem verdi onnara Şan Gramotalarını. Gagauziyanın gençlik hem sport Upravleniyanın başı Maksim BOLGAR baaşladı sportsmenın anasına-bobasına bir kartina, neredä gösterili onnarın oollarının güreşi.

Kıpçak küüyün primarı Oleg GARİZAN, küülülerin adından, baaşladı güreşçiyä beş bin ley hem Gagauziyanın Bayraanı.

Pötr YANULOV şükür etti hepsi insannara, ani geldilär onu kutlamaa. Söledi, ani hepsi para baaşışlarını verecek Kıpçak küüyün uşak sport şkolasına.

Şindi Pötr YANULOV hazırlanêr dünnä çempionatına.

PATRETTÄ: Gagauziya Başkanı İrinaVLAH hem Pötr YANULOV.

BİR CUVAP YAZIN