Buukelci_Premyer_1

10.08.2015, tarafından yazılı , POLİTİKA BÖLÜMÜ, 1247 KERÄ BAKILMIŞ

Premyer-ministru Valeriy STRELEŢ hem Türkiye Büükelçisi Mehmet Selim KARTAL buluştular

Harman ayın 10-da Moldova Premyer-ministrusu Valeriy STRELEŢ kendi çalışmak odasında kabletti Türkiye Büükelçisini Mehmet Selim KARTALı.

Nicä bildirer premyer-minstrunun pres-slujbası “Valeriy STRELEŢ, Premyer-ministru olarak, seftä buluşêr Türkiye Büükelçisinnän. Ama taa ileri onnarın arasında tanışmak ta vardı, buluşmaklar da olduydu”.

Valeriy STRELEŢ açıkladı, ani pek üüsek uurda tutêr Mehmet Selim KARTALlan tanışmasını hem işbirliini”. Canabisi urguladı, ani “ileri dooru da Moldova-Türkiye dostluu hem işbirlii ilişkileri ilerleyeceklär hem alış-veriş hem ekonomika işbirlii taa da hızlanacek”.

Kendi tarafından Türkiye Büükelçisini Mehmet Selim KARTAL açıkladı, ani iki devlet arasında çeşitli sferalarda ilişkilär taa dinamiklı ilerleyeceklär. Canabisi urguladı, ani “Premyer-ministru Valeriy STRELEŢın ilk vizitın Gagauziyaya olması bu bir pozitiv signal. Zerä Gagauziya cümnesi Türkiye hem Moldova arasında dostluun hem işbirliin kaavileşmesindä en önemni rolü oynêêr”.

Valeriy STRELEŢ urguladı, ani Moldovanın pravitelstvosu da kendi tarafından Gagauziyanın öndercilerinnän keskin diologta bulunêr, çünkü Evropa integraţiyasında hem insannarın taa islää yaşaması için Moldovada infrastruktura proektlarını yapmakta ortak uurlarımız var”.

Buluşmada incelendilär proektlar, angılarını Türkiye Respublikası TİKA yolunnan Moldovada ömürä geçirer.

Taraflar urguladılar, ani iki devlet arasında pozitiv dialogu ileri dooru da ilerletmää.

Foto – gov.md

BİR CUVAP YAZIN