aa_erdogan

13.07.2020, tarafından yazılı , CÜMNE BÖLÜMÜ, 74 KERÄ BAKILMIŞ

Prezident Recep Tayyip ERDOĞAN Aya Sofyayı camiyä çevirdi

2020-ci yılın Orak ayın (iyül) 10-da Türkiye Respublikası Prezidentı Recep Tayyip ERDOĞAN imzaladı bir emir, angısına görä İstanbul Aya Sofya soboru camiya çeviriler.

Bu oldu ondan sora, açan Türkiye Administrativ Sudu açıkladı kendi Kararını, angısına görä İstanbul Aya Sofya soborundan muzey statusu kaldırılêr da o cami yapılması için Türkiye din uuruna bakan kuruluşuna varlık olarak aktarılêr.

Türkiye Respublikası Prezidentı Recep Tayyip ERDOĞAN, danışarak Türkiyenin halkına, açıkladı: “Orak ayın (iyül) 24-dä Cumaa günü cumaa namazınnan birliktä Aya Sofyayı dualara açmaa plannêêrız”.

Patret: aa.com.tr

BİR CUVAP YAZIN