Canavar ayın (oktäbri) 19-da Kırlannarda (şindi Kotovskoe küüyü) bir punarın Kurbanını yaptılar. O punarı 1987-ci yılda kırlannı Georgiy KARAAÇI hem canabisinin karısı yapmışlar.
Punar bulunêr küüdän bir kilometralık uzaklıkta. Burada ileri tütün kurudarmışlar. Sora da, açan kolhozlar daaldı, burası pustiyalık kalmış. Belli ki yavaş-yavaş punar da yıkılmaa başlamış.
Şindi Georgiy KARAAÇI, küülülärlän barabar hem Komunistlär partiyasından Moldova parlamentın deputatın İrina VLAHın para yardımınnan, bu punarı pakladılar hem tertipledilär. Canavar ayın (oktäbri) 19-da da küüyün popazı punarı ayozladı.
Bölä iş küüdä büük yortu gibi kabledildi. Onuştan punarın Kurbanına çok insan katıldı. Kurbanda nasaat ettilär küüyün primarı Georgiy PALİK, şkolanını direktoru Georgiy ÇEBANOV, deputat İrina VLAH, küülülär, bildirer gagauzinfo.md saytı.