pestetid

25.02.2016, tarafından yazılı , CÜMNE BÖLÜMÜ, 555 KERÄ BAKILMIŞ

Romıniya parasınnan pestiţidları yok edeceklär

Bıldır Romıniya adadıydı vermää 450 bin Euro Gagauziyada pestiţidları yok etmää deyni. Şindi belli oldu, ani o sözünü tuttu.

Başlayıp 2016-cı yılın Çiçek ayından (aprel) beeri bu paraylan ilkin Bucak küüyündän 140 ton toz pestiţid yok edilecek. Sora da pestiţidlar Aydar küüyün skladlarından alınaceklar.

Gagauziyada pestiţidları yok etmää deyni işin içindä NATO, “VEOLİA” kompaniyası hem Moldovanın korunmak ministerlii var.

Not. Bu 450 bin Euronun verilmesi için Gagauziya Başkanı İrina VLAH 2015-ci yılın Ceviz ayın (sentäbri) 15-dä, kendisinin Bukureşä kısa hem hızlı bir vizitında, Romıniya dışişleri ministrusunan Bogdan AURESCUylan annaştıyı.

BİR CUVAP YAZIN