SMURD

03.06.2016, tarafından yazılı , CÜMNE BÖLÜMÜ, 562 KERÄ BAKILMIŞ

Romıniyanın SMURD hızlı yardım vertolötu Moldovada düştü

Kirez ayın 2-dä Moldovanın Kantemir rayonun Haragış küüyün yanında Romıniyanın SMURD hızlı yardım vertolötu patlamaktan daaldı da erä düştü. Bu katastrofada dört kişi öldü: iki pilot, vraç hem vraçın yardımcısı.

 

O günü vertolöt Gagauziyanın Valkaneş kasabasından aar hastayı Kişineva getirdi da Kaul kasabasına ikinci hasta için yollanardı.

Tragediyanın incelemesini Romıniya hem Moldova prokuraturaları ortak yapêrlar.

Moldova prezidentı Nikolae TİMOFTİ imsaladı emir, angısına görä Moldovada Kirez ayın 3-çü yas günü sayılêr.

BİR CUVAP YAZIN