Piter_kiyatlar_1

13.06.2017, tarafından yazılı , CÜMNE BÖLÜMÜ, 210 KERÄ BAKILMIŞ

Sankt-Peterburgta çıkan kiyatlara prezentaţiya

Sankt-Peterburg delegaţiyasının Gagauziyaya vizitının kultura çalışmaları programasına görä, Gagauziyanın Regional resim Galereyasında oldu bir prezentaţiya, angısında Sankt-Peterburgtan musaafirlär tanıştırdılar insannarı kimi kiyatlarlan, ani çıktı Sankt-Peterburgta bitki vakıtlarda.

O kiyatların arasında, rus yazıcılarının kiyatlarının arasında, vardılar Ay-Boba Mihail ÇAKİRin “EVANGELİA. Gagauzça. Türkçä” kiyadı hem «ГЕРБ, ФЛАГ, ГИМН. Гагаузия (Республика Молдова). ГЕРБ, ФЛАГ, ГИМН. Санкт-Петербург (Россия)» kiyadı.

Prezentaţiyada Sankt-Peterburg pravitelstvosunun Basım hem mas-mediyaylan işlişkileri Komitetın başı Sergey SEREZLEV okudu dokladı «Государственная поддержка книгоиздания и книгораспространения в Санкт-Петербурге».

Sora nasaat etti Sankt-Peterburg ANO «Книжная лавка писателей» pravleniyasının predsedateli Vladimir MALIŞEV, angısı annattı o kiyatlar için, ani bitki vakıtta Sankt-Peterburg yazıcılar Birliindä tiparlandı.

Sankt-Peterburg GKU «Книжная лавка писателей» direktor yardımcısı Andrey ŞAMRAY annattı o kiyat sergileri hem çarşıları için, ani yapılêr Sankt-Peterburgta.

Prezentaţiyada pay aldılar gagauz yazıcıları, kultura, bilim hem cümne insannarı.

BİR CUVAP YAZIN