kongaz_sport_2

14.03.2018, tarafından yazılı , CÜMNE BÖLÜMÜ, 186 KERÄ BAKILMIŞ

Seçim yılı geler – kuvet insana işleer

Kıpçakta hem Kongazda sport meydannarın temeli atıldı

2018-ci yılın Baba Matra ayın 13-dä Moldova Prezidentı İgor DODON, Çadırdan kaarä (bak: http://anasozu.com/komratta-olaceydi-cadirda-olacek/) bulundu Gagauziyanın Kıpçak hem Kongaz küülerindä, neredä pay aldı taa iki temel atması sıralarında – bu kerä sport meydannarın yapılmasına.

İki temel atılmasının ofiţial sırasında da Moldova Prezidentı urguladı, ani bu sport meydannarı yapılêr gençlerä deyni hem gençlär için.

Sport meydannarın açılışı beklener gagauzların “Hederlez” milli yortusunun günündä. Var umut, ani ozaman Moldovaya gelecek Türkiye Respublikasının Prezidentı Recep Tayyip ERDOĞAN da Canabisinä gösterilecek ne gagauzlar için yapêr Moldova Prezidentı da.

Bundan kaarä bu yıl Moldovada Parlament seçimneri var. Onuştan partiyalar hem kuvettä bulunannar savaşêrlar insannara nesa faydalı yapmaa da onnar oylarını onnara versinnär. Pek islää iş! Allaa versin onnara saalık hem uzun ömür da taa sık bölä işleri yapsınnar hem diil salt seçim yılında. Başka partiyalar, buna maana bulursalar, kendileri da gelsinnär Gagauziyada bu türlü işlär yapsınnar da görelim.

Not. Neettä var hep bölä bir sport meydanı Baurçu küüyündä dä yapılsın.

GAGAUZÇASI NEREDÄ?
kongaz_sport

BİR CUVAP YAZIN