Gagauziyadan güreşçi komratlı Aleksandr ROMANOV pay aldı Amerika Birleşik Devletlerin (ABD) Las-Vegas kasabasında olan UFC Fight Night 177 turnirında, neredä taa ilk raundta ensedi Braziliyadan gürşçiyi Markos Rogerio de LİMAyı.
Güreşin taa bitirdii gibi Aleksandr ROMANOV sevinmeliklän seläm yolladı ana-boba tarafına: “Seläm, Gagauzlar! Norok Moldova!”
Şindi Gagauziya sportsmenı açıkladı, ani bir aydan sora hazır enidän güreşä çıkmaa da teklif etti, ani ona karşı çıksın Polşadan güreşçi Marcin TIBURA (Marcin Tybura).
