parlament_7_si

09.06.2019, tarafından yazılı , CÜMNE BÖLÜMÜ, 549 KERÄ BAKILMIŞ

Soțialistlär AKUM blokunnan alındılar da Moldovaya eni spikerı hem eni premyerı seçtilär

Kirez ayın 7-dä, üç aylık konuşmalardan sora, Moldova parlamentında eni koalițiya kuruldu – Soțialistlär AKUM blokunnan alındılar. Eni koalițiya parlamentın kuvet organnarını seçti hem eni pravitelstvoyu eminä getirdi.

Moldova parlamentın Kirez ayın 7-dä toplantısında 61 oydan 56 oylan parlamentın spikerı soțialistlar partiyasının başı Zinaida GREÇANAYA seçildi. Bundan kaarä seçildi spikerın 4 yardımcısından 3-cü. Bir er kaldı demokratlar partiyasının kandidaturasına.

Parlamentın hep bu oturuşunda eminä getirildi Moldovanın eni pravitelstvosu da, angısını kendi emirinnän kurdu Moldova Prezidentı İgor DODON. Pravitelstvonun başına koyuldu AKUM blokun başı Maya SANDU.

Moldova parlamentının bu kararlarlarını hem İgor DODONun pravitelstvo kurulması için emirini tanımama deyni demokratlar Moldova Konstituțiya Suduna danıştılar, angısı tezicik demokratlarlan kayıl oldu.

Demokratlar açıkladılar, ani Kirez ayın 8-dä protestlar için sokaklara insannarı çıkaracek.

BİR CUVAP YAZIN