suleyman_demirel

17.06.2015, tarafından yazılı , CÜMNE BÖLÜMÜ, 1522 KERÄ BAKILMIŞ

Süleyman DEMİREL raametli oldu

Kirez ayın (iyün) 17-dä, gecä saat 02:05-tä Ankarada raametli oldu Türkiyenin 9-cu prezidentı hem gagauzların büük dostu Süleyman DEMİREL (01.11.1924- 17.06.2015).

Süleyman DEMİREL 40 yıldan zeedä politikadaydı. 5 kerä oldu premeyr-ministru (1965-1971, 1975-1997, 1977-1978, 1979-1980, 1991-1993). 1993-2000 yıllarda Türkiyenin 9-cu Prezidentı oldu.

Süleyman DEMİREL 1994-cü yılda Moldovaya ofiţial vizit yaptı. O vizitın çerçevesindä ofiţial vizitlan Komrata da geldi. O vizittä Gagauziyalan tanıştı, gezip onu bu marşrutta: Komrat-Ferapontievka-Tomay-Çadır-Baurçu-Kongaz-Başküüyü-Komrat.Taa sora da, artık prezident olmadıynan, Süleyman DEMİREL taa birkaç kerä Gagauziyaya geldi.

Süleyman DEMİREL çok çalıştı, ani gagauzlar avtonomiya kazansınnar. Sora da, Canabisinin kanadı altında, büük yardımnar Gagauziyaya gelmää başladılar. O yardımnarın arasında en büükleri oldular su proektları hem Komrat Devlet Universitetına yardımnar.

Süleyman DEMİREL Gagauziyayı hem gagauzları hiç yalnız brakmadı. Gagauziyanın 10-cu hem 15-ci yıldönümündä geldi. Kendi Ankaradakı evindä herkerä Gagauziyadan delegaţiyaları kabledärdi, Gagauziyanın problemalarını incelärdi hem o problemaları çözmäk için, son soluunadan, zaametlerini koydu.

Topracıı ilin olsun!

Anaktar sözlär : ,

BİR CUVAP YAZIN