cocuk_bayramı (8)

24.04.2019, tarafından yazılı , CÜMNE BÖLÜMÜ, 5162 KERÄ BAKILMIŞ

T.C. Kişinev Büükelçiliindä “Çocuk Bayramı” (uşaklar yortusu) bakıldı

Çiçek ayın 23-dä Türkiye Respublikasının “Çocuk Bayramı” (uşaklar yortusu) bakılma günündä T.C. Kişinev Büükelçiliindä “Çocuk Bayramı” (uşaklar yortusu) kutlamaları oldu.
cocuk_bayramı (2)

Bu günü, Büükelçilää çaarıldı 52 üüsüz hem kusurlu uşak Kişinevdan hem Kongaz küüyündän. Ayrıca yortuya katıldı türk kuruluşların personalın küçük yaşta uşakları da.
cocuk_bayramı (4)

“Çocuk Bayramı” (uşaklar yortusu) kutlamasının ofițial açılışı başladı Moldova hem Türkiye Gimnalarının çalınmasından. Sora Türkiye Kişinev Büükelçisi Gürol SÖKMENSÜER selemnädı yortuya gelenneri hem kısadan annattı bu yortunun kurulma istoriyasını. Uşaklar da romın dilindä peetleri annattılar.
cocuk_bayramı (3)

Ofițial açılışta Kişinev Primariyasının “Uşakların haklarını korumak Direkțiyası”nın geçici başı Luçia KAÇUK şükür etti Türkiye Kişinev Büükelçiliinä bu yortunun hazırlanması için.
cocuk_bayramı (5)

Ofițial aşılıştan sora T.C. Kişinev Büükelçiliin aulunda uşaklara deyni şennik hem master-klas programası başladı. Programada vardı türlü oyunnar, plastelindän yaratmak, çölmekçilik hem sabun şişirigaları yapmak master-klasları, resimcilik yarışması, patladılmış papşoy hem şeker vatası ikramnarı.
cocuk_bayramı (7)

Yortuda uşaklara bir masa da kuruldu, neredä onnar dattılar döner hem başka türk imeklerini, içtilär meeva suyu hem ayran, tatlılıklan ikram oldular.
cocuk_bayramı (10)

“Çocuk Bayramı” (uşaklar yortusu) betkisindä herbir uşaa verildi birär torba baaşış, neredä, resimcilik hem başka şkola işlerindän kaarä, vardı birär çift ayak kabı da.
cocuk_bayramı (6)

Not. Türkiye Respublikasının “Çocuk Bayramı” (uşaklar yortusu) bakılma günündä Gagauziya Radio hem Televideniye (GRT) kanalı T.C. Kişinev Büükelçiliindän cannı yayın verdi.

BİR CUVAP YAZIN