dodon_sokmensuyer_

18.09.2019, tarafından yazılı , CÜMNE BÖLÜMÜ, 437 KERÄ BAKILMIŞ

T.C. Kişinev Büükelçisi Moldova Prezidentınnan buluştu

Ceviz ayın ayın (may) 16-da Moldova Prezidentın rezidențiyasında Türkiye Kişinev Büükelçisi Gürol SÖKMENSÜERı kabletti Moldova Prezidentı İgor DODON.

Buluşmada Moldova-Türkiye arasında ikili ilişkilär incelendi hem urgulandı, ani strategiyalı eşliktä onnara lääzım taa büük aktivațiya yapmaa.

Prezident İgor DODON şükür etti Bay Büükelçiyä moldo-türk dialogunda işbirliini derinnetmää deyni büük çalışmaları için. Prezident bildirdi Türkiyenin öndercilerinä kendi tanımak saygılarını hem şükür etti Moldova topraklarında hem Gagauziyada o çoklu soțial-kultura hem infrastruktura proektların yapılması için. Onnarın arasında Gagauziyada stadionun düzülmesi da var.

Bundan kaarä taraflar baktılar soruşları, ani ilgiliydilär Canavar ayında Türk firması tarafından yapılan “Chişinev Arena” çok funkțiyalı sportkompleksın açılmasınnan.

Buluşmanın sonunda laf gitti Moldova Prezidentın New Yorkta olacek BMB Genel Asambleyasının “meydannarında” Türkiye Prezidentı Recep Tayyip ERDOĞANnan ikili buluşmak kolaylıı için, bildirer prezidentın pres-slujbası.

BİR CUVAP YAZIN