valea perji

02.02.2014, tarafından yazılı , CÜMNE BÖLÜMÜ, 1754 KERÄ BAKILMIŞ

Taraklı rayonun küüleri Referendumdan yan oldular

Küçük ayın 2-dä Taraklı rayonun küülerindä küü topluşları oldu. Topluşlarda bir soruş koyuldu – Moldovanın dış uuru için referendumnarın yapılması.

Korten küüyü
Küçük ayın 2-dä Korten küüyün küü topluşunda pay aldı 300 kişidän zeedä insan, bildirer “Omega” haber saytı.
Bu küüyün insannarı bire-bir kayıl oldular onunnan, ani devlettä “Moldovanın dış uuru için referendum” lääzım yapılsın hem açıkladılar, ani kortennılar hepsi pay olêrlar ondan, ani Moldovanın dou tarafa ilerlemäk uuru lääzım olsun.
Korten küüyün insannarı bildirdilär, ani Gagauziyada Küçük ayın 2-dä olan Referendumdan yan olêrlar hem açıkladılar, ani bölä Referendum lääzım bütün devlettä olsun. “Omega” haber saytın açıklamasına görä bu iş için Korten küüyün 90% insanı Moldovada referendum yapılması için yazılmışlar.

Valä-Perjey küüyü
Hep Küçük ayın 2-dä Valä-Perjey küüyündä da küü topluşu oldu. Orada pay aldı küüyün 500 yakın insanı.
Topluşta musaafirlär da vardı: Moldova Parlamentının komunistlär patrtiyasının deputatları İrina VLAH hem Mihail MOKANU, Çadır rayonun başı Sergey BUZACI, Taraklı rayonun sovetnii Olga PASLAR.

Valä-Perjey küüyün insannarı yan oldular o günü Gagauziyada geçän Referendumdan hem açıkladılar, ani danışêrlar Moldova öndercilerinä, ani bütün devlettä bölä bir Referendum yapsınnar.

Toplantıda insannar açıkladılar, ani Moldova lääzım Tamojnä Birliinä dooru uurunu dönsün.
Foto – gagauzinfo.md

Anaktar sözlär : , ,

BİR CUVAP YAZIN