bulgar_mahmud

20.09.2018, tarafından yazılı , CÜMNE BÖLÜMÜ, 202 KERÄ BAKILMIŞ

TİKA Bulgaristanda 801-ci proektı başardı

Eni üürenmäk yılın ilk günündä Bulgaristanın Razgrad kasabasında TİKAnın delegațiyası üürencilerä hem kusurlularlan sakatlara baaşışları daattı. Bu oldu TİKAnın Bulgaristanda 801-ci proektı.

TİKAnın delegațiyasının başı TİKA Balkanlar hem Dou Evrupa Daire Başkanı Dr. Mahmut ÇEVİK bildirdi, ani eni üürenmäk yılın başlamasınnan Razgrad kasabasın dolaylarında 5 şkolanın ilk klaslarına başlayan üürencilerä TİKA tarafından şkola tertiplerinnän dolu şkola çantaları verildi.

Bundan kaarä 5 kusurluya hem sakata son tehnologiyalı içlikli elektrokoläska verildi.

Dr. Mahmut ÇEVİK bildiridi, ani 15 yılın içindä TİKA Balkannarda hem Dou Evrupa devletlerindä üüredicilik, saalık, komunikațiya, kultura, çiftçilik hem hayvancılık uurunda 5 bin proektı aslıya çıkardı.

TİKAnın bu proekt çerçevesindä baaşışların daadılmasında Türkiyenin Sofya Büyükelçisi Hasan Ulusoy da pay aldı, bildirer Türkiyenin Anadolu Agenstvosu.

BİR CUVAP YAZIN