Cadir_ev_DSC_6495

09.11.2017, tarafından yazılı , CÜMNE, MOLDOVADA TİKA PROEKTLARI BÖLÜMÜ, 121 KERÄ BAKILMIŞ

TİKA burada proekttan zeedä iş yaptı

(TİKA başardı Çadırda Stratan deresinin paklamasını hem tertiplemesini)

2016-cı yılın Kirez ayın 13-14 gecesi bakırdan dökülän yaamurlar hem fırtına Gagauziyanın Çadır kasabasına büük belalar getirdi. Ozaman su hem batak sellerindän insannarın evlerinä hem kasabanın yollarına büük zararlar oldu. Bu zararların çoyunun sebepi da Çadırdakı Stratan deresi oldu.

Zararların sonuçlarını yok etmää deyni, ozaman Türkiye Respublikası büük yardımnara girdi. İlkin 15 kvartiralık bir ev tertipledi hem kvartiralardan anaktarları 15 zarar görän ayleyä verdi.

Hep ozaman, TİKA yolunnan, Çadırdakı Stratan deresinin paklamasını hem tertiplemesini yapmaa başladı.

Çadırın primarı Anatoliy TOPAL açıkladı, ani “Stratan deresinin paklaması hem tertiplemesi başarıldı. TİKA burada proekttan zeedä iş yaptı. Derenin paklamasından kaarä, TİKA yardımcı oldu 6 köprüyü düzmää: 3 – yolcular için, 3 – maşinalar için”.

BİR CUVAP YAZIN