kiriyet_1 (2)

01.09.2019, tarafından yazılı , CÜMNE BÖLÜMÜ, 189 KERÄ BAKILMIŞ

TİKA yardımınnan Kiriyettä Kultura Binası enilendi

Türk İşbirlii hem Koordinaţiya Agenstvosu (TİKA) Başkannıın para yardımınnan Ceviz ayın (sentäbri) 2-dä Kiriyet küüyündä, büük bir remonttan sora, açıldı enilenmiş hem donaklanmış Kultura Binası.

Bu proekt başladıldı Kiriyet küüyündän Gagauziya Halk Topluşu deputatı Mihail JELEZOGLUnun hem Kiriyet küüyün primarın Valentina KAYKInın yardım için TİKA Kişinev programaların Koordinatoru Selda ÖZDENOĞLUya danışmasınnan.

Kultura Binasının ofițial açılışında pay aldılar Türk İşbirlii hem Koordinaţiya Agenstvosu (TİKA) Başkan yardımcısı Birol ÇETİN, Türkiye Kişinev Büükelçisi Gürol SÖKMENSÜER, TİKA Kişinev programaların Koordinatoru Selda ÖZDENOĞLU, Gagauziya Başkanı İrina VLAH, angılarını küülülär tuz-ekmelän karşladılar.

Binanın açılış şiridini kestiktän sora, küüyün primarı, deputatı hem baş musaafirlär zalda bulunan kiriyetlilerin önündä nasaat ettilär. Nedän sora da Semön POMETKO adına “Düz Ava” ansamblisi hem erindeki artistlär bir konțert gösterdilär.

Not. Kiriyet küüyündä Kultura Binasının remondu 2 milion 300 bin ley tuttu, angılarının 637 bin leyini, kontribuțiya olarak, Gagauziya İspolkomu verdi.
kiriyet_1 (1)
kiriyet_1 (3)
kiriyet_1 (4)
kiriyet_1 (5)

BİR CUVAP YAZIN