sport_kongaz (6)

14.04.2021, tarafından yazılı , CÜMNE, SPORT BÖLÜMÜ, 475 KERÄ BAKILMIŞ

Todur ZANET teoretik liteyindä “Şen sport yaraşmaları!” açık uroo

Çiçek ayın 8-dä Kongaz Todur ZANET teoretik liteyindä geçti “Şen sport yaraşmaları” açık uroo, angısı adanadı Halklararası saalık gününä, ani bütün dünnäädä bakılêr Çiçek ayın 7-dä. Maasuz bu iş için lițeyin gagauz dilindä üüredicilieri hazırladılar bu uroo da geçirdilär onu gagauz dilindä 4-cü klasların arasında.

“Şen sport yaraşmaları!” yarışmasında pay aldılar “Birlik” hem “Yıldırım” adlı komandalar, angıları 10 yarışmada (komandaylan tanışmak-bildirmӓk, tokatçıı kezlemäk, erindän uzunnuuna atlamak, aşıklarlan sepedi kezlemäk, çuval içindä atlamak, çatıyı çekmäk h.b.) kendi kuvetlerini hem beciriklerini gösterdilär.

Komandaların çalışmalarını esaba almaa deyni, kuruldu maasuz daavacılık dernää, angısı notalamaklan kantarlardı üürencilerin çemirkliini. Bu notalamalara hem daavacıların kararına görä, “Şen sport yaraşmaları!” açık uroon sonunda, hepsi uşaklar ödüllärlän metinnendilär, bildirer https://guogagauzii.md/press-tsentr/novosti/item/569-en-sport-yara-malar-kongaz-teoretik-liteyind-t-zanetin-ad-na.
sport_kongaz (3)

sport_kongaz (5)

sport_kongaz (1)

sport_kongaz (2)

sport_kongaz (4)

sport_kongaz (7)

BİR CUVAP YAZIN